احبك لو تقلب دنياي هم وغم ... احبك !!!

دخيلك لا طغى همي عليْ وزادتْ أوجاعي
أبي عينك تغمّضْها وتصدْ إن شفتني طايح
ماابي أكْسر الخاطر أبيك تقدّر أوضاعي
متى ما شفتني فجأة مثل شمْع الشقا سايح
خلْني أجْمَعْ شتاتي ترى ما للحكي داعي
شموخي يرفضك تسْمعْ عيوني تشكي وتصايح
عشاني كان لي خاطر ..
لا تلويلي ذراعي..!
ولا تتبعْني وتحاول تكلّمني وأنا رايح

ما هو بخل لو ما جاك مكتوب ..
و ما هو ثقل لو الصوت ماجـك..
و لو تاه الشوق لا تقول ملعوب ..
صدّقني كلّي انا فدى رضاك ..
لكن وقتي غالب و انا مغلوب ..
و انا ظرفي على حبّك تحداك ..
و منّي وعد من عشقك ما اتوب ..
و مستحيل قلبي في لحظه ينساك ..

طيفك مكفّي يا بعد قلب مغليك ..
يكفي وجودك في حياتي مكفّي ..
ليت العمر يهدا .. و الله لـ أهديك ..
لحظاتي الحلوه و أسكّر ملفي ..
أعاهدك بـ الله ماني مخلّيك ..
لين قلبي النابض أحسّه مطفي ..
خذ الوعد منّي بـ حبّي أغطيّك ..
وعدي و إذا قلته .. تراني موفّي ..

أدري بـ تقول بـ نفسك ..
ما بغيت أطري في باله ..
هذا قاطع و بايع العشره و شايف حاله ..
بس و ربي كل ظنونك مُجرد ظنون ..
و قلبي يحبّك لـ حد الجنون ..
كل الحكايه اني أدوّر لك رساله ..
تليق بـ مقامك يا أغلى حنون ..

وقفت اطالع بالاماكن ..
حزينه..!
استرجع الذكرى ..
وانا داخلي .. ضــو
اسوق من عندي بشاير ثمينه ..
للي يعلمني بهم .. كانهم جو

المشكلة ..
لاصرت تقبل ,, ويقفون

كنك بقايا ذنب..
ماكنّـــك ,, انــسان

تدري وش سوى غيابك ؟!
موت غيابك سوالف !..

مايخوفني زماني
بس من فرقاك خايف !..

فجأه أصحى وماأشوفك ..
لاتهددني .. ظروفك

إعتبرني ..حلم / واقع
وإلا ظل مايطوفك

ضامي عطشان .. جيتك
لايعشمني سرابك !..

تسمح بكلمه ؟! بغيتك
قبل لاتبدي غيابك !..

لا تسأل المشتاق ليه أرسل اليوم ..
و لا تعذل القلب إذا باح بـ اسراره ..
يـ الله عسى الخير لك دايم يدوم ..
و الغالي واجب نتطمن لى أخباره ..
و جعل السعاده تضمك في كل يوم ..
و دوم قلبك بـ الفرح مشعل أنواره ..

أحبـك " ..
لو تنقلب دنياي هم ٍ على همْ ..
" أحبـك " ..
لو تنزف عيوني بدل دمعها دمْ ..
" أحبـك " ..
لو جروحي ما عاد تلتمْ ..
" أحبـك " ..
أكثر من ام في طفلها تهتمْ ..
" أحبـك " ..
و لجل عيونك بـ اذوق السمْ ..
أحبـك .. أحبـك ..
أحبـك .. أحبـك ..

كل مايسأل حبيبي وش كثر عندي غلاه ..؟
اشهق وارفع يديني كثر هالدنيا
وزود ..
يبتسم ويهز راسه "ادري" اتمتم شفاه ،،
كل مافيني نطق به والقصايد له شهود ..
ماسأل لاجل يتأكد !!
يدري مالكني هواه ..
يدري ماعاش في قلبي حب غيره بالوجود ..
يدري ويدري ولكن رغم كل اللي دراه ،،
يرجع ويسأل حبيبك قلت وش كثر عندك غلاه ؟
ابتسم واحلف بربي كثر هالدنيا وزود ..

‏كل الذي سويت يمك ولا شيء
اللي عملته ياحياتي لعينك

ماابغاك تطلب مطلب لك وانا حي
من واحد غيري وانا في يمينك

واذا عطاك بغفلتي واحدٍ عيّ
قله حشا وش عاد بيني وبينك

مادامني اول غلا لاتقلب النيه.!
لاحق على ضيقتي لاحق على احزاني.!
كل يوم احس انك اخر مابقا ليه.!
وشلون تقوى على الفرقا وتنساني.!
لا صار ماتفرق الروحه عن الجيه.!
ماهقوتي لو تلف الكون تلقاني.!

فزيت من نومـي اردد بفمــي
اسمه وانادي وينه اليوم وينــه

لقيت امي عند راسي تسمـي
وبيدينها تمسح علي السكينة

ولقيت دمعي بلل اطراف كمي
ووسادة ٍ ذاقت معـــاي الغبينة

رددت وقلت احلام احلام يا امي
احــلام راحت واتركتني رهينــة

للهم للهوجاس ولـكـــــل غمـــي
للذكريات المؤلمات الحزينــة

كلمات جميلة تسلم الايادي
والرد اجمل

» احبك يا احمر
» يمكن احبك
» احبك من القلب
» احبك لكنني موجوع
» المراه تحب كلمه احبك والرجل00000