انا ميته من الاخر

بسم الله الرحمن الرحيم

اخواتى انا الصراحه حسه انى بقيت مخنوقه وعايزه اتكلم معاكو
انا متزوجه من خمس سنين عندى بنت وولد
انا حاصله علي باكالوريوس تجاره واتجوزت عن حب
رغم انه هو لم يحصل سوى علي الابتدائيه طبعا انتوا هتقولوا طيب وليه كده وافقت بيه
صراحه انا عيشتى قبل الجواز كانت بين بابا ومراته بين تيته يعنى كام سنه هنا وكام سنه هنا
طبعا مش كنت مبسوطه خاااااااااالص ولامدلعه ولا اى حاجه من لي بسمعاها عن البنات بس طبعا لما قابلت
جوزى كان فرصه النجاه بالنسبه لي
وبابا مكنش موافق عليه لكن بالضغط شويه وافق
صراحه انا بحبه هو كمان ابوا عيالي بس المشكله بقي في الحاجات الي بتظهر بعد الجواز
طبعا انا هنا ليا شقتى بس احنا هنا عايشين عيشه مشتركه يعنى انا لازم كل يوم انزل عند حماتى
علشان الاكل والسوق والتنضيف والغسيل وخلافه
وما ادراكم ما حماتى ست من الفلاحين الي هما يعنى من الاخر ناصحه قوى واروبه قووووووى
احنا منقدرش نطلع بسندوتش فول من غير ما تشوفنا ولو صادف انها قافله الباب واحنا جاين من بره بتفتح
الشباك نص فتحه كده وتبص من وراها في الدره
علشان تشوفنا وغير ده كله مش مخليه ليا ولا صاحبه كلهم كرشتهم
حتى اهلى مش بيجولي غير للضروره
واتسببت مره في مشكله كبيره جداااااا وخليت جوزى طلقنى علشان يريح دماغه
صراحه من بعد اليوم ده وانا حسه انى اتغيرت كتير
بقيت جبله ومن غير دم عليشه بس علشان اكل واشرب واشتغل في البيت واربي العيال وخلاص
فقدت كل مشاعري واحاسيسي كانثي حتى مش بخرج ولا بتفسح ولا اى حاجه تفتح النفس
انا حسه انى اتخنقت زهقت مليت مش هى دى العيشه الي انا عايزه وحتى مش عارفه اربي عيالي
علشان تدخل حماتى واخو جوزى الى لسه مش متجوز
طبعا مقرش اقول كلمه غير كلمتهم
نفسي اعيش في بيتى اطبخ لجوزى واستناه لما يرجع وناكل سوى زى اى اتنين
البس قمصان نومى الي لسه بورقها في الدولاب
اخرج مع جوزى يوم نتفسح اوناكل بره من غير خوف
حتى جوزى طول الخمس سنين دول مخلصتش من البنات الي هو بيكلمهم اصله امور علشان كده شايف نفسه انا
مش عارفه انا كتبت ليه بس بصراحه نفسي
اريح نفسي من الهم ده
نفسي ارجع احس انى انثي مش جاموسه في غيط

السلام عليكم ورحمة الله وبركاته
مشكله يعانى منها الكثير بسبب الحموات وسيطرتهم
ولكن ممكن التغاضى عنها لو فيه
حب من الزوج لكى تنسى المشاكل التى تسببها الحماه
وعلى رأى المثل لجل الورد ينسقى العليق
حماتك عاوزه تكسبيها فى صفك خليكى طبعا معاها
وحاضر يا ماما وكل ما تطلب طلب
قولى لها انتى تأمرى يا جميل وطبعا ده كله من وراء القلب
بس طبعا علشان الحال يمشى لازم الواحده تضحى شويه

نعم كلنا نعانى
من مشاكل الحموات
ودى المشكله الوحيده اللى ملهاش حل
كل اللى اكدر اقوله ربنا يصبرنا جميعا

ربنا معاكى و الصبر طيب

الله يعينك

ربنا معاكى يارب ويفرجك همك

بصى يا قمر انا عايزة اقولك انه مفيش حاااااااااال بيدوم اه والله

يعنى حماتك مش هتفضل موجودة طول العمر

معلش استحملى واصبرى وربنا يوفقك

وان الله مع الصابرين

وانا متاكده ان ان شاء الله ربنا يجزيكى الخير باذن الله

ومش عايزاكى تقولى ميتة والكلام ده بعد الشر عليكى

انتى بس حطى الامل والصبر وربنا ان شاء الله هياتى لكى بالفرج

وان احتجتى اى حاجه اعتبرينى اختك بجد وربنا يصبرك ويقويكى

وكنت عايزة اسال سؤال يعنى انتى حاليا قاعده فى بيت عيلة مع حماتك ؟

موضوع: ايوه الثلاثاء مايو 11, 2010 12:46 pm

نونو امور كتب:: ربنا معاكى يارب ويفرجك همك

بصى يا قمر انا عايزة اقولك انه مفيش حاااااااااال بيدوم اه والله

يعنى حماتك مش هتفضل موجودة طول العمر

معلش استحملى واصبرى وربنا يوفقك

وان الله مع الصابرين

وانا متاكده ان ان شاء الله ربنا يجزيكى الخير باذن الله

ومش عايزاكى تقولى ميتة والكلام ده بعد الشر عليكى

انتى بس حطى الامل والصبر وربنا ان شاء الله هياتى لكى بالفرج

وان احتجتى اى حاجه اعتبرينى اختك بجد وربنا يصبرك ويقويكى

وكنت عايزة اسال سؤال يعنى انتى حاليا قاعده فى بيت عيلة مع حماتك ؟

ايوه انا في الدور التانى وهى في الاول كل يوم الساعه 8 اصبح اروح اجيب العيش من الطابونه واجيب الفطار واديها فطرها هى واخوى جوزى واطلع افطر جوزى وعيالي وبعدين انزل تانى علشان اروح اجيب الغداء واجى اعمل الغداء وبعد الغداء اعمل الشاي واغسل المواعين اروق الشقه ولو في اى حاجه تانيه عايزه تتعمل اعملها وبعدين اسالها لو عايزه اى حاجه وبعدين اخد الغسيل الوسخ اطلعه وانزل تانى اخد اكل لجوزى اطلعه وبعدين انزل تانى علشان اجيب عيالي الكلام ده بتكون الساعه بقيت 6 او 7 اطلع اشوف شقتى لو عايزه تتروق او في غسيل او مواعين الفطار واقعد اداكر لبنتى وبعدين انام قتيله وهلوما جره كل يوم المهم كمان ان جوزى له اخت كل يوم هنا هى وعيالها بس شيله اديها خالص واخرتها اتشتمت كمان من اخوه

ياربى ربنا معاكى بجد

بس معلش استحملى وادعى ربنا كتير والله الزمى الدعااااااااااء وانا كمان بدعيلك ومن قلبى ان شاء الله ربنا يوفقك ويهديلك حماتك وجوزك

وتعيشى احسن عيشه ان شاء الله

بس معلش الصبر

واصبر وما صبرك الا بالله

وان شاااء الله ربنا يجازيكى الخير وخدى بالك من عيالك وربنا يباركلك فيييييييييهم يارب ان شاء الله ويقويكى ياااااارب

ربنا معاكى.....وزى ماقالو بقيت الاعضاء حاولى تضمى حماتك ليك
واتكلمى مع زوجك بصراحة عسى ولعلا يكون الفرج من ناحيته..وزى ما بقولو الصراحة راحة.

نسال الله لك الصبر والتوفيق والسداد...........وقلوبنا معك حتى تحل كل مشاكلك

على فكره مشكلتك اساسا بترجع لمد شخصية شريك حياتك اللى هو بيحبك لو شخصيته قويه وبيحبك زى ماقولتى من كلامك اساسا اقل شئ هيحاول يقرب بينك وبين حماتك ويزيل اى
شئ وزى ماذكر احد الاخوه حاولى تقربى من حماتك ودلعيها وحسسيها انها كل شئ
وربنا معاكى ويهدى لك حماتك ويبعد البنات عن جوزك علشان يتفرغ لك انتى والاولاد
بس صدقينى كل شئ فى ايد جوزك

الله يصبرك ويرزقك الثبات واليقين ويعوضك كل خير

االحل انك اتسميه اوتخلصى لامه اجى اخلصكلك عليه واريحك من المشوار ده

» ولادة طفل من أم ميته تحت التراب .. بالصور..