الله يجازي من يسوي سواتك

الله يجازي من يسوي سواتك
وبذنوب من سوى سواتك يجازيك
مشيت درب الثقل وتحب ذاتك
ماتدري انه للمهالك يوديك
و غرك جمالك ياخسارة حلاتك 
ماتدري ان ماغير طبعك يحليك 
بتقول زينك يشفع لسيئاتك
الحسن ماهو عن وفا الحب يعفيك
لو التواضع والوفا من سماتك
بعت الحبايب كلهم دين واشريك
لكن عجزت أغيرك يا جراءتك 
على الغياب اللي بلا عذر ينجيك
خطاي في توضيح وشهي غلاتك
وخطاك في توضيح وشو تغليك
وشلون توصيني وتنسى وصاتك
وتصد عن صوت تقطع يناديك
ما فاتك التجريح والعذر فاتك
وتبغي رضاي الحين ما عاد يمديك
صحيح احبك بس هذي جزاتك
بعلمك درس يفيدك ويحيك
تدري وش ابيض من خفوقك عقالك 
وتدري وش اللي غرني نظرتي فيك 
ادري بتستغرب تصبر وجاتك
قصيدة من واحد كان يبغيك
تبغى تناظر وانت عايش مماتك
شوف وحدتك والناس تجلس حواليك
وتبغى تشوف اشجع رجل في حياتك
شفني وانا مقفي على كثر ما أغليك

علياء
شكراً لك و لقلبك الطيب ولقلمك المبدع ..

دمتى بكل ما هو جميل كـ جمال الزهور ..

تعجز الكلمات ان تعبر ما يجول في نفوسنا
احيانا لكن لا يعجز القلب ان يدعو لك
بالرقي في الدارين زادك الله من فضله
تسلمى علياء