أحيانا سماحه ناس

احياناً سماحة ناس وطيبة ناس تكون اكبر من الاحساس
تكون اكبر من القافية وتكون اقرب من العافية
وتهدي الثورة في الانفاس تحول دفة التاريخ
بعد كل الاماني تشيخ تبت العافية في الاجداث
احياناً سماحة ناس وطيبة ناس تكون اكبر من الاحساس
تكون في عطاها زي النيل ودايما بتدي ما بتشيل
كرم فياض بلا مقياس وثورة في الطريق نبراس
وتبق الساس وتبق الراس
معالم الطيبة يادكتوراصالة اهل الشمال فيكة
وطلعة نور اهل الشمال فيكة وطلعة نور يطلع من نور
مشبعة بي غنا الدلوكة والطنبوروصوت عصفور
علي النخلات ياعب السبيل مسرور
مياه تنساب ومافي حساب شمالنا كتاب ونيلنا كتاب
وفي صفحاتو انتة سطور
احياناً سماحة ناس وطيبة ناس تكون اكبر من الاحساس
يفيض خيره تكون جرتق تكون سيرة
تكون لهفة ضعيف ممكون زمن متوسد الحيرة
يلقي النجدة في ناساً بتشقي عشان سعد غيرة
ودة الجايبلنا الغيرة ودة الخلاني في حيرة
احياناً سماحة ناس وطيبة ناس تكون اكبر من الاحساس
جميلك فوقي رقد دين ولو اديك نور العين
وماعارفة ابتديك من وين وانتهي من كلامك كيف
يالنيل البيسقي الضيف خضارو يفرح المسكين
ماكل العمامة رجال ولا كل الشمالي شمال
اذا ما ساب خصال اهلو وتنكر تربات ابو التربال
رباية حلال جمال وكمال وسترة حال
تفش الوجعة للمغبون وللمظلوم ايادي عدال
نفاخر بيك وكل اليمشي فوق
يالشارب سماحة النيل اريت كل الشباب شربك
قليبو من قلبك
لانك مابتخاف من زول مخافتك الامن ربك
نرحبك ونرحبك
عشان كدة نحنة مجبورين علي حبك
احياناً سماحة ناس وطيبة ناس تكون اكبر من الاحساس

تسلم يا غالى سلم قلمك

الف الف شكر
دمت بود

» يجب علينا ان نتعلم بأن يبقي فمنا مقفلا أحيانا !
» حصريا كارول سماحه - رجعالك بانفراد تام وعلى اكثر من سيرفير