موج البحر غنى على الشط موال

موج البحر غنى على الشـط مـوال
والغيم بدل حرقـة الشمـس بظـلال
والورد فتـح والمطـر حيـل همـال
{سبحان ربٍ شكـل الكـون بتقـان}
الجـوف يصـرخ والحنايـا تسمّـع
والهم فـي داخـل عروقـي تجمّـع
والنفس في شوفـت غلاهـا تطمّـع
{عزي لمن مثلي على الوصل شفقان}
القلـب متعـب والجـوارح حزينـه
والخـل غايـب والمفـارق غبينـه
ياكيـف كفـي فارقتـهـا يميـنـه
{بعد الروا ياناس عـودت ضميـان}
العيـن تسـال تالـي الليـل عنـه
والثغر ودع ضحكـت العـام سنّـه
والكـف عيـت ترفـع الـزاد منـه
{والحيل مامن زود كل يوم نقصـان}
الوصـل كايـد والرسايـل كسيفـه
والقلب مالـه سلـوة عـن وليفـه
يزور قلبـي لمـرح النـاس طيفـه
{واسج واسرح واحيي الليل سهران}
الـدار وحشـه والزوايـا كئيـبـه
والوقـت عيـا صوبنـا لا يجيبـه
الجـرح مخْطـر لا تاخـر طبيـبـه
{وانا طبيبي تارك الجـرح دَمْيـان}
ياسـارق الوجـدان روحـي تلـوّت
هذي كفوفي مـن دموعـي تـروّت
ليتك تجي وتشوف وشلـون سـوّت
{نارالهوى في داخل القلـب يافـلان}



الموضوع الأصلي : هنا || المصدر : منتديات حايرة 

تسلمى اختى علياء على الانتقاء الجميل ....

دمت ودام نبض قلبك وقلمك

تقبلي مرورى المتواضع مع احترامى وتقديري

تعجز الكلمات ان تعبر ما يجول في نفوسنا
احيانا لكن لا يعجز القلب ان يدعو لك
بالرقي في الدارين زادك الله من فضله
تسلمى علياء